Ylli egjiptian Mohamed Salah është shprehur i bindur se është lojtari më i mirë afrikan në historinë e futbollit.

Në një intervistë për “France Football”, sulmuesi i Liverpool ka theksuar se, megjithatë, respekton emrat e mëdhenj që ka prodhuar kontinenti afrikan.

“Po, e konsideroj veten lojtarin më të mirë afrikan të të gjitha kohërave. Megjithatë, ka pasur shumë lojtarë të mëdhenj: mund të përmend George Weah, Didier Drogba dhe Samuel Eto’o”, ka deklaruar Salah.

Ai ka folur edhe për trajnerin më të rëndësishëm në karrierën e tij, duke përmendur Luciano Spalleti, me të cilin ka punuar gjatë kohës së tij te Roma.

“Luciano Spalletti është trajneri më i mirë që kam pasur ndonjëherë. U përmirësova shumë me të, si taktikisht ashtu edhe mendërisht. Ai më dha mundësinë të shpreh talentin tim dhe të rritem si lojtar”, ka shtuar Salah./rtk